الفقر في السعودية
هلا هلا يا خادم الحرمين إرحب وشلونك عساك بخير عاش من شافك وين الناس وش دعوه يا حافظ الأخبار أمس فيها بس 15 خبر 16 منها عنك وعن نائبك وهذا الثالث عوذه نسيت اسمه المهم زوج مها السديري اللي تقضت من فرنسا ملابس بقيمه بيت لإمراه في مكه المكرمة التي إنت تقول إنك تخدمها ، وإلا الجرائد اليوم ما قريتها يعني معقوله بس الثلاث الصفحات الأولى منها صوركم لا لا نبيها ترجع مثل اول سبع صفحات لك ولأسرتنا الملكيه الكريمه ، واحد طار والثاني وقع ، تثاوب ، تروش ، تمغط ، وهلم جرى ربي يطول عمرك ويجعلك ذخر للامتين اللبنانيه واللي احلى منها ويقولوا الطيب عند ذكره وإنت حشا الله يجعل رقبتي لقاط ما نسيتك . أدري يا بو متعب إن كلامنا ما عاد يروق لك بس ما أعرف غيره اجل تبيني أقول ( أهلين وسهلين من هالزين يخزي العين ) والله ما أعرف اللي يعرف هم ( أهل ذيك المرابع والديار - اللي ما نسيتم ودها لو إنتم بعيد - ليلكم لبنان وإذا حل النهار - تقلبوا الصفحة وتبنوا من جديد ) . خذ راحتك يا بو متعب أفا عليك مد رجلك وتقهو البيت بيتك ( وخلك بالبيت ) .
ويلكم ويلكم مليون في آور هاوس ( شفت إن أعرف عنجليزي مو بس رزان مغربي ) ، خلنا نتهرج شويه يا آني مفروسه يا خادم الحرمين عن جد ولو بعض الناس في هذه اللحظه تحت أسناني والله لقطعه تقطيع تقطيع والله لا يرحمني إن رحمته ، ولا فيه غيرك اشكي له همي يا ملك الإنسانيه والبيوت . شفت الأخبار أمس ( طال عمرك طاااال لين يموت الشعب كله ) عن فلسطين وهالصهاينه الله يلعنهم وش يسوون فيهم من تشتيت وسجن وتعذيب وسرقه أراضي وتشبيك قاموا بعد يهدون بيوت الناس ماهم حرمه مريضه ، ولا طفله تروح المدرسه ، وصديقتها يتيمه ، ولا عجوز و لا أرمله . الفعل هذا ياخادم الحرمين ما يسويه ناس في قلوبهم رحمه أبد ، ولا تسويه حكومه تخاف الله أو فيها ذره من دين سماوي أو أرضي والأدهى وإن ما خاب ظنى إن الحكومة اللي تسوي كذا هي حكومه غير شرعيه محتله في أي مكان ومهما كانت الظروف والأسباب . دولة ظالمه جائره قول ورآي يا خادم الحرمين آمين الله يزيلها . عفيه
بعد الأخبار نمت ( وأنا حزينه ) ، وشفت في الحلم إني أجرى وأجرى وأجرى و ( انا حزينه ) ، سمعت أمي تبكي ( وهي حزينه ) تقول لا تهدون بيتنا حرام عليكم يا ويلكم من الله . عاد يا خادم الحرمين نسيت نفسي إن في الحلم كنت أجرى حسبت نفسي باقي نايمه ( وانا حزينه ) ، قلت لازم أروح اصحي نفسي من غرفه نومي اللي جنب غرفه جدتي ( الحزينه ) . لقيتها خرجت من غرفتها ولا راحت تدور لي وانا رحت لها قبل لا اروح اصحي نفسي . رحت أجري أجري أجري يالله إن وصلت غرفتي دخلت ولقيتني باقي نايمه ولا على بالي ( عاد أنا هزئت نفسي وقلت يا سخيفه قومي ) ونفسي تقول لنفسي فارقي ابغي انام ، أحترت معاها مدرى ساعتها وش اسوي أخذت شويه مويه ورشيت نفسي النايمه حتى صحيت . يوم صحيت أخذت نفسي ( وانا حزينه ) بيدها . ورحت أجرى مع عمري واحكيها نفسي عن اللي شفته برا ، ونفسي ما تصدق إنه ممكن في بلد الإنسانيه حكومتنا تهدم بيوتنا فوق روسنا . جلست احاول أقنع نفسي اجيبها يمين أجيبها فوق تحت وانا ماني قادره أصدق نفسي ( هذي مو أغنيه ديانا حداد لا والله ماني ماني ) . مسكت نفسي وخليتها تجلس وصكيتها كف قلت اصحي بيهدون بيتنا فوقنا وإنتي يا الخبله نايمه . شفت كيف يا خادم الحرمين ( وحده خبله نايمه ) والثانيه حزينه . في ذيك اللحظه سمعنا الثنتين صوت امي تقول ( يا شق بطني وين بناتي السبع ) ( الله يشق بطن اللي هدموا عنها ) . شويه يا خادم الحرمين طاح جزء من البيت وقفل علينا الدرج ما صرنا نقدر لا نطلع ولا ننزل وحنا نسمع صوت أمي تبكي برا وودنا نشوفها بس قبل لا نموت . مسكتني نفسي الثانيه وقلت خلينا نموت أمي بترتاح ، لو انهدم بيتنا كيف بتعيشنا ووين تودينا مسكينه . وطاح البيت كله وماتت نفسي لكن انا باقي ما مت ، وبقيت وحدي اشوف نفسي ميته ايه يا خادم الحرمين شفت نفسي ميته وتراه مو منظر جديد علي كل يوم في الحقيقه أموت سبعين مره إن ما كان على نفسي تكون على اخت لي في مكه أو تبوك وجيزان . بس طبعاً يا خادم الحرمين مو معقوله الحكومه عندنا تسوي كذا صح ، وحتى حكومتك طال عمرك لو تمحترم تسوي كذا ما قدرت الشعب ما حصل بيت يسكنه عشان يهدونه .وعلى قولتك الحمد لله إنه حلم لكن البنات اللي شافوه حقيقه كيف بتقابل ربك يوم القيامه كيف كيف .
فصل جديد فتح في حياة المواطنة عائشة صويلح وبناتها السبع، إثر إزالة منزلها الكائن في حي الشرائع شرقي مكة المكرمة من قبل البلدية والشرطة، في الوقت الذي كانت تستكمل فيه أوراقها الثبوتية لتقديمها إلى ديوان المظالم؛ من أجل إيقاف قرار الإزالة الصادر في وقت سابق، مستندة في دعواها إلى وجود صك شرعي يثبت ملكيتها للأرض. وبحسب عائشة فإن عملية الإزالة جرت بقرار فردي من بلدية الشرائع ودن تدخل لجهات أخرى، وهذا ما أثار حفيظة المواطنة التي اعتبرت هذه الإزالة «كيدية ومتعمدة»، الأمر الذي دفعها مرة أخرى لرفع دعوى تظلم ورد حقوق مادية ومعنوية لها ولبناتها في ديوان المظالم ـــ كما ذكرت. فيما أوضح مصدر في بلدية الشرائع (رفض ذكر اسمه) أن الموقع المزال يعتبر اعتداء على مخطط منح (الراشدية 2 )، والذي وزعته الأمانة على أصحاب العقارات الواقعة داخل حدود حمى المشاعر. وأضاف « مساحة الموقع المزال تفوق حاجة السكن، وهو ما يعيق المحافظة على الأراضي الحكومية البيضاء وتخطيطها، وهذه المرأة ترغب في الاعتداء على الأراضي الحكومية، دون مستمسك شرعي ودون رخصة نظامية ودون مبالاة بالأنظمة والتعليمات». وبينت المواطنة السعودية عائشة أن معاناتها بدأت منذ 10 أعوام عند محاولة البلدية المتكررة لأخذ الأرض بالقوة الجبرية، وأضافت : « أن البلدية كانت تتحجج دائما بأن هذه الأرض منحة سكنية لمواطنين آخرين، متجاهلة بذلك القرارات الصادرة من جهة حكومية أخرى وهي المحكمة والتي أقرت بملكيتي للأرض ».
» تصريح الناطق الرسمي لجيش رجال الطريقة النقشبندية بصدد التهجير القسري للعراقيين
» زيف المفترين في إعلان خلافة المسلمين
» مبارزة شعرية .......
» مقاومينا بغزة البواسل للشاعر عطا سليمان رموني
» أتثائب... عبلة درويش
» تصريح ولكن.... وما بعد الجدار/تغريد العزة
» " منديلٌ لبسمات امرأة " لؤي ابو عكر
» نقد الحزب المشكلات التنظيمية للحزب الشيوعي " سلامة كيلة (للتحميل)
» تلخيص كتاب: تاريـخ فلسطين في أواخر العهد العثماني 1700 – 1918