عَ ابواب القدس السبعه
صورة وطنية وجدانية محكية
بقلم الداعي بالخير : صالح صلاح شبانة
عَ بواب القدس السبعه ، إحنا أهل الأرض ، ضوينا ألف شمعه وشمعه
من دم اولادنا ، من دم احفادنا ، من دم احبابنا ، وما ذرفنا دمعه..!!
إلا دمعة رحمه ، أسقت أرض القدس ،عانقت نقطة دم ، وبنت قلعه
************
عَ ابواب القدس السبعه ، وقف المجد ، ووقف العزم ، وانحنى لساعد بطل
اللي خلاّ صدره حاجز ، لرصاص العاجز ، تيشرق من صدره أمل
في عيون القدس ، ومن بين الأقصى وقبة الصخره ، شمس الحريه تعلا
************
عَ ابواب القدس السبعه ، وقف الفخر وانحنى ، لموكب عرس شهيد
إللي أسقى أرض القدس من دمه ، تيظل للقدس عُقد امدَّلى بالجيد
وللقدس الهيبه ، وللقدس الرهبه ، وتظل تتباهى بهذاك الوجه ، وبهذيك الطلعه
************
عَ ابواب القدس السبعه ، وقف الفجر يحيي دم ..ومواكب أعراس الشهداء
وبالفخر يشرق ويلالي ، ويكتب عَ صدر التاريخ بالنور أحلى الأسماء
للي ناضلوا ، للي جاهدوا ، للي سقطوا مثل النيازك من الرفعه
************
عَ ابواب القدس السبعه ، وقفت شمس الحرّيه تلالي ، وبالشرف تكتب إسم الغالي
في كتاب المجد ، كرامه وشهامه وعهد ، عَ جبين الجريح العالي
اللي أعطى الدم ، واللي أعطى العزم ، واللي داس الخوف ، وتناول الجبن بصفعه
************
عَ ابواب القدس السبعه ، وقف الليل ، ونجم اسهيل ، والكواكب السيّاره والمجّرات
تحيي القدس، وتنشق عطر من طُهر القدس، وتحيه للي وقفوا سد، قدّام العصابات
واللي باسوا خد القدس ، واللي من القلب ، هتفوا للقدس ، يا أحلى طلعه
************
عَ ابواب القدس السبعه ، و عَ جبين الحرَيه العالي ، اللي انتقش علامه
عَ الفخر اللي بنى مدماكه ، وعَلاّ بنيانه ، وظله شامخ مرفوع الهامه
عَ الليل والخيل ، والرمُح والسيف ، واللي أضوى عَ دروب الحرّيه شمعه
************
عَ ابواب القدس السبعه ، طِلِع المجد وتلالى ، وصاح من أعماقه : يا أهلا
لجبين المجد العالي ، لتراب الأرض الغالي ، ولعيون القدس الكحلا
ولعيون القدس الشهلا ، ولقدس القدس ، وحَمَام القدس اللي علاّ
وللأذان المرفوع على مآذن الأقصى
ولضيوف القدس ، كل يوم ، ويوم الجُمعه
تقرأ بلهجة أهل سنجل
» تصريح الناطق الرسمي لجيش رجال الطريقة النقشبندية بصدد التهجير القسري للعراقيين
» زيف المفترين في إعلان خلافة المسلمين
» مبارزة شعرية .......
» مقاومينا بغزة البواسل للشاعر عطا سليمان رموني
» أتثائب... عبلة درويش
» تصريح ولكن.... وما بعد الجدار/تغريد العزة
» " منديلٌ لبسمات امرأة " لؤي ابو عكر
» نقد الحزب المشكلات التنظيمية للحزب الشيوعي " سلامة كيلة (للتحميل)
» تلخيص كتاب: تاريـخ فلسطين في أواخر العهد العثماني 1700 – 1918